Me a tacarev a zerchèr ed savèr d'indòve i han catè fora al nam ed Modna. D'atorna a 'ste nam, i gh'han studiè e litighè in tant, mo in s'èn mai mes intès.
A sembra ech sien steè i Etruschi, di camarànt tuscan chi eren gnu che datorna, a ciamèr 'ste sit "Mutna", ch'avrèv po' dir "Mocia".
A ster a quel chi disen, Modna l'è neda in di padòi, quella che ci dicono la palude. Insàma, se tanto mi da tanto, nuèter a srèn neè in mez a la smelta come i paciàn.
A i avì da sevèr che in questa palude a gh'era gnù a ster di mez selvadegh, forse di ranèr...adèsa, qui ech san ed làtra ci dicono terramaricoli e palafitticoli che, siccome an gh'era ancàra l'AMNU (la nettezza urbana) e in n'aviven ancàra inventè la ruscaròla, i butèven tot i rifiut zà la fnèstra e fòra da l'os.
A capirì, botà incòo, botà dmàn, datorna a cà a gh'era gnu 'na mòcia, 'na "Mutna".
Bèin nuèter a sam nèe lè in inzèma, inzèma a 'n' aldamèr! Mo vacca che origini!
Glossario:
camarant = braccianti, lavoratori dei campi
paciàn=rospi
aldamer= letamaio
tratto da "la storia ed Modna" di Luigi Zanfi Edizioni il Fiorino, Modena 2007
Iscriviti a:
Commenti sul post (Atom)
Nessun commento:
Posta un commento